Հետաքննությունների դաշնային բյուրոյի տնօրեն Ջեյմս Կոմին խոստովանել է, որ բյուրոյի գործակալներից մեկը Associated Press-ի թղթակից է ձևացել 2007 թվականին քրեական հետաքննության ժամանակ: Այս մասին Կոմին հայտնել է The New York Times թերթի համար նամակում:
FBI-ի ղեկավարի խոսքով՝ գործակալը թղթակից է ձևացել 15-ամյա կասկածյալին բռնելու համար: Դեռահասը մեղադրվել է Սիեթլի արվարձանի դպրոցի պայթեցման սպառնալիքների համար: Անցած շաբաթ հայտնի էր դարձել, որ հետաքննության ժամանակ FBI-ը կեղծել է АР-ի հոդվածը, իսկ Կոմիի նամակը վկայում է, որ բյուրոն հեռուն է գնացել՝ իր աշխատակցին թույլատրելով ձևանալ գործակալության աշխատակից:
Գործակալը խնդրել է դեռահասին ծանոթանալ սպառնալիքների ու կիբեռհարձակումների մասին АР-ի հոդվածի կեղծ սևագրերի հետ՝ համոզվելու, որ անանուն կասկածյալին օբյեկտիվորեն են նկարագրել: Դեռահասը համաձայնել է և սեղմել հղումը, որը տանում էր դեպի ռեպորտաժ, ինչը թույլ է տվել իրավապահ մարմիններին պարզել նրա գտնվելու վայրը: Դեռահասին ձերբակալել են:
Ցանկացած գաղտնի գործողություն սուտ է պահանջում՝ հավելել է բյուրոյի ղեկավարը:
Իր հերթին, АР-ի գործադիր խմբագիր Քեթլին Քերոլը FBI-ի գործողություններն անընդունելի է համարել:
