Համարվում է, որ նմանակումը շողոքորթության ձև է: Այդ դեպքում ինչու են աստղերը, ամուսնալուծվելով, շարունակում իրենց նախկին ամուսիններին շատ նման զուգընկերներ փնտրել: Օրինակ, Մարկ Էնթոնին, ամուսնալուծվելով Ջենիֆեր Լոպեսից, 2012թ-ի հունվար ամսին սկսել է հանդիպել 24-ամյա մոդել Շեննոն Դե Լիմայի հետ, ով ապշեցուցիչ կերպով նման է Ջեննիֆեր Լոպեսին:
NBA-ի խաղացող Քրիս Համֆրիսը Քիմ Քարդաշյանի հետ ամուսնալուծությունից հետո հանրությանն է ներկայացել 25-ամյա Միլա Սինանայի հետ: Բացի ֆիզիկական նմանությունից՝ Քիմը և Միլան անտարբեր չեն աչքերի մուգ դիմահարդարման նկատմամբ:
Չառլի Շինը, չորս տարի ապրելով Դենիզ Ռիչարդսի հետ, նրանից ամուսնալուծվել է 2006 թ-ին և միանգամից ծանոթացել է նրա «նմանակի»՝ Բրուք Մյուլլերի հետ: Ամուսնանալով 2008թ-ին՝ նրանք չկարողացան պահպանել իրենց ամուսնությունը և երեք տարի անց ամուսնալուծվեցին:
Ալեք Բոլդուինը Քիմ Բեյսինջերից բաժանվել է 2002թ-ին, սակայն դստեր համար նրանց պայքարը երկար ժամանակ է տևել: 2006թ-ին Ալեքին նկատել են դերասանուհի Լորի Սինգերի հետ, ով Բեյսինջերի ապշեցուցիչ նմանակն է:
Վերջապես, Իթըն Հոուքը Ումա Թուրմանի հետ վեց տարի ապրելուց հետո ամուսնալուծվել է 2004թ-ին: Դերասանը, ինչպես տեղեկացվում էր, հանդիպում էր իրենց երեխայի դայակի՝ Ռայան Շոհյուզի հետ, ում հետ հետագայում ամուսնացել է: Ռայանը արտաքնապես շատ նման է Ումային:
