Լիբիայի Գերագույն դատարանը որոշում է ընդունել երկրի Ներկայացուցիչների պալատի (խորհրդարան) արձակման մասին, հայտնում է Sky News Arabia-ն:
Ինչպես ավելի վաղ հաղորդվել էր, իսլամիստներին հավատարիմ 12 պատգամավորներ, ովքեր հանդես են գալիս հայցվորի դերով, հայց են ուղղել դատարան՝ Տոբրուկում պալատի հանդիպումները ոչ սահմանադրական ճանաչելու վերաբերյալ: Խորհրդարանի աշխատանքը բոյկոտող այդ օրենսդիրների հիմնական փաստարկն այն հանգամանքն է, որ պատգամավորները երդմնակալել են ոչ թե Տրիպոլիում կամ Բենղազիում, այլ Տոբրուկում՝ Բենղազիից 1000 կմ արևելք, այդ իսկ պատճառով նրանց գործողությունները չեն կարող լեգիտիմ համարվել, քանի որ հակասում են սահմանադրությանը:
Հունիսի վերջին ընտրված պատգամավորները տարհանվել էին Տոբրուկ, որը հեռու է գտնվում մարտական գործողությունների թատերաբեմից:
