Թուրքական Epila կոսմետիկայի ընկերությունը հայտնվել է քննադատությունների տարափի տակ այն բանից հետո, երբ դեպիլյացիայի միջոցների գովազդում օգտագործել է «Ալ-Քաիդայի» «գաղափարները ոգեշնչողներից» մեկի՝ Հալիդ Շեյխ Մոհամմեդի լուսանկարը: Այս մասին հայտնում է Daily Mail-ը:
Գովազդային պաստառում Մոհամմեդը պատկերված է մարզաշապիկով՝ բացած մազածածկ կրծքավանդակն ու ուսերը, իսկ ներքևում ընկերության ներկայացուցիչները գրել են. «Սպասումը ձեզ չի ազատի անցանկալի մազերից»:
Ավելի ուշ ընկերությունը ներողություն է խնդրել՝ խոստովանելով, որ լուսանկարը պատահմամբ է ընտրվել, իսկ Epila-ի ներկայացուցիչները չեն իմացել, որ նկարում ահաբեկիչ է պատկերված:
«Մենք նրան ընտրել ենք մարմնի վրա մազերի առատության պատճառով, ոչ թե ահաբեկչության»,- ասել է Epila-ի ներկայացուցիչներից մեկը:
ԱՄՆ-ը Հալիդ Շեյխ Մոհամմեդին համարում է 2001թ. սեպտեմբերի 11-ի ահաբեկչությունների կազմակերպիչներից մեկը:
