Հայաստանի հաշմանդամների համար առաջին խնդիրը անմատչելի միջավայրն է. փողոցները, շենքերը և տրանսպորտը նրանց հարմարեցված չեն: «Առաջին լրատվական»-ի հետ զրույցում այս մասին ասաց Հայաստանի հաշմանդամների միության «Փյունիկ» բարեգործական ՀԿ նախագահ Հակոբ Աբրահամյանը:
«Ընդհանրապես, հաշմանդամները ոչ միայն Ամանորին, այլև առհասարակ շատ խնդրիներ ունեն, որոնք շուտափույթ լուծման կարիք ունեն: Իսկ թե դրանցից քանիսը կլուծվեն՝ ցույց կտա եկող տարին: Ասեմ նաև, որ հաշմանդամներին անհրաժեշտ է պետության աջակցությունը, մեր կազմակերպությանը՝ նույնպես. բազմաթիվ ծրագրեր իրականացնելու համար միջոցներ են անհրաժեշտ:
Այս տարի Ամանորրին երեխաների համար կազմակերպեցինք «Տոնածառ», բազմահաշմանդամություն ունեցող մոտ 100 երեխայի նվերներ և Հակոբ Պարոնյանի անվան տիկնիկային թատրոնի տոմսեր տվեցինք, որպեսզի հետաքրքիր և տոնական ժամանակ անցկացնելու հնարավորություն լինի նրանց համար: Հավանաբար մի միջոցառում էլ կկազմակերպենք հին Նոր տարուն»,- ասաց Հ. Աբրահամյանը:
