«Հրապարակ» թերթը գրում է. «Անցած ուրբաթ կայացած ՀՀԿ գործադիր մարմնի նիստի ժամանակ ՀՀԿ «արմատականները» հարց են բարձրացրել իշխանափոխություն պահանջող ուժերին ու անձանց պատժելու, իրենց տեղը դնելու, շարժումն արմատախիլ անելու մասին: Երբ վրդովված կարծիքները գերակշռել են, և ակնհայտ է դարձել, որ իշխող կուսակցության մեջ որոշակի խուճապ կա, խոսել է ՀՀԿ փոխնախագահ Հովիկ Աբրահամյանը, ասել է՝ դուք ինչի՞ եք զայրանում, ըստ էության, իմ հրաժարականն են պահանջում: Նկատի է ունեցել, որ արտահերթ խորհրդարանական ընտրությունների դեպքում խորհրդարանական նոր մեծամասնություն կձևավորվի, որի ներկայացուցիչ վարչապետը ինքը չի կարող լինել:
Մանավանդ որ իր և խնամու՝ Ծառուկյանի հարաբերությունները վատացել են այն օրվանից, երբ ԱԺ-ում հանդիմանելով ընդդիմությանը, նա ասաց. «Նոր մարտի մե՞կ եք ուզում»: ԳՄ նիստի մասնակիցներին վարչապետը հանգստացրել է, ասելով, որ ինքը խոսել է մարզպետների հետ՝ մարզերում շարժման շտաբներ չեն ձևավորվում, և իշխանափոխությանն ուղղված այլ քայլեր էլ չկան:
Մանրամասները՝ թերթի այսօրվա համարում
