Polaroid-ը փոքր տարիքի երեխաների համար Android 4.0-ի բազայի հիման վրա 7-դյույմանոց պլանշետ է թողարկել: Սարքավորման մասին տեղեկացվում է ընկերության կայքում:
Ի տարբերություն մեծերի համար նախատեսված սարքավորումների՝ այս պլանշետը կողքերից պաշտպանված է ռետինե պաստառով, «ծնողների վերահսկողության» միջոցները թույլ են տալիս երեխային հեռու պահել համացանցի անցանկալի կայքերից, և երեխաների համար նախատեսված է ծրագրերի լայն ընտրանի:
Ծրագրերի շարքում են ֆոտոխմբագիրը, «երաժշտական ստուդիան», մանկական տեսանյութեր դիտելու համար նախատեսված ծրագրեր, նկարչության և տասը ինտերակտիվ գրքերի ընթերցանության համար նախատեսված ծրագրեր:
Պլանշետի մեջ տեղադրված է Cortex A8 գիգահերցանոց պրոցեսոր: Սարքը 512 մեգաբայթ օպերատիվ և 8 գիգաբայթ ներքին հիշողություն ունի, 2 մեգապիքսելանոց տեսախցիկ, SD-քարտի համար նախատեսված սլոդ, Wi-Fi մոդուլ և USB:
Պլանշետն արդեն վաճառքի է հանվել: ԱՄՆ-ի ինտերնետ-խանութներում այն 149,99 դոլար արժե:
