Մոտավոր գնահատականներով՝ էլեկտրոնային գրքերի վաճառքն իր թողարկման պահից սկսած՝ առաջին անգամ այս տարի նվազել է: Financial Times-ը հարցում է կատարել բարձր տեխնոլոգիաների ոլորտի մասնագետների շրջանում և եկել է այն եզրակացության, որ eReader-ի դարաշրջանն ավարտվում է:
Էլեկտրոնային գրքերը մնում են ամենահայտնի նվերը, սակայն պլանշետային համակարգիչների քաշի և գնի նվազումն այս էլեկտրոնային միջոցների համար մահացու վտանգ են ներկայացնում:
Ռուսական Yota ընկերությունը հայտարարել էր, որ արտադրում են երկու դիսփլեյներով գաջեթ, որոնցից մեկը կլասիկ LCD է, մյուսը ստեղծվել է էլեկտրոնային թղթի տեխնոլոգիայով, որը հիմնականում օգտագործում են էլեկտրոնային գիրք ստեղծողները:
Այսպիսով՝ վերջին eReader-ը շատ հարմար է կարդալիս և ոչ այնքան հարմար՝ այլ գործառույթներ իրականացնելիս:
eReader-ի արտադրողները ևս փորձում են կիրառել նոր տեխնոլոգիաներ: eReader-ը զիջում է պլանշետներին:
Էլեկտրոնային գրքերի վաճառքի իրական թիվն իմանալ անհնար է: Օրինակ՝ «Ամազոնը» չի հրապարակում վաճառքի թվերը, իսկ IHS iSuppli ընկերությունը վստահեցնում է, որ վաճառքի թիվը 2010 թ. հասել է 10 միլիոնի: 2011 թ. այն հասել էր գագաթնակետին` 23 միլիոնի: Ըստ կանխատեսումների՝ 2016 թ. շուկան կնվազի, հասնելով 7 միլիոնի:
Էլեկտրոնային գիրքը, որը նախատեսված է կրթված և բավականին լուրջ մարդկանց համար, կարող է զրկվել իր լսարանից: Իսկ նրանց, ովքեր, միևնույն է, գիրք չեն կարդում, էլեկտրոնային գրքերը դժվար թե հետաքրքրեն:
Բրիտանական Txtr ընկերությունը վերջերս հայտարարել է, որ թողարկելու է էլեկտրոնային գրքեր 10 եվրոյից ցածր արժեքով: Փորձագետները գտնում են, որ մյուս ընկերությունները ևս ստիպված կլինեն հետևել նրանց օրինակին:
