Պաշտոնապես հայտարարում եմ, որ դեղերի գների բարձրացման մոտեցում կառավարությունում չկա, և եթե նման բան լինի, ապա պետք է հիմնավորեն, թե ինչու է գինը որոշ սուբյեկտների մոտ բարձրացվել: Այս մասին, այսօր՝ ԱԺ-ում 2015-ի բյուջեի քննարկումների ժամանակ հայտարարել է Առողջապահության նախարար Արմեն Մուրադյանը:
ՕԵԿ խմբակցության պատգամավոր Հովհաննես Մարգարյանը բարձջրացրեց կեղծ դեղերի շրջանառության հարցը՝ նշելով. «Տարբեր ոլորտների փորձառու բժիշկները հարց են բարձրացնում, որ այլևս չենք կարողանում դեղեր նշանակել, քանի որ այստեղի դեղերը կեղծվում են և ազդեցություն չեն թողնում: Մարդիկ ընկած դռնեդուռ դեղ են հայթայթում դրսից: Անգամ 1500 դոլարանոց դեղերն են կեղծ և նպատակին չեն ծառայում»:
Ի պատասխան նախարար Մուրադյանը ասաց, որ կեղծ, ժամկետանց կամ չգրացված դեղորայքի խնդիրները շատ կարևոր են մեր երկրի համար: Առողջապահության տեսնակյունից, դրոշմապիտակավորման հետ կապված գործընթացը ունի իր վերլուծությունը: Պետք է ապահովել դեղորայքի անվտանգությունը հենց ներկման պահից: Սխալ կլինի պնդել, որ այդ շուկան ամբողջովին սպիտակ է: Նման բան չկա, որոշ տոկոսով ներկրվում է սուրոգատ: Սխալ է ասել նաև, որ եկեք մատչելի դեղերը չդրոշմապիտակավորենք, միայն թանկը պիտակավորենք: Սա ազգային անվտանգության հարց է:
Հովհաննես Մարգարյանը բարձրացրեց նաև մարզերին հուզող խնդիրները. «Աշոցքի և Ամասիայի տարածաշրջանում գյուղական համայնքներում ձմեռն անանցանելի են դառնում ճանապարհները, խնդիր է առաջացել, որ ծննդաբերությունը տանն իրականացնեն»,-ասաց նա՝ հորդորելով նաև մարզերում համապատասխան անատոմիկներ ունենալ:
«Անատոմիկների խնդրին անդրադարձել ենք, Գյումրիում դինահերձարանի աշխատանքները ավարտին են մոտենում, և կարծում եմ մարզերում այս խնդիրը պետք է լուծվի, որ մարդիկ կարողանան կյանքից հեռանան»,-նշեց նախարարը
