Արմավիրի մարզի ընդհանուր իրավասության դատարանում Վահե Խալաթյանի նախագահությամբ սկսվում է Կարեն Սեդրակյանի գործի դատական քննությունը:
Ըստ մեղադրանքի՝ 30-ամյա Կարեն Սեդրակյանը 2014 թվականի հունիսի 27-ին, գիշերվա ժամը 3-ին տանը ծագած վիճաբանության ժամանակ խոհանոցային դանակով հարվածել է իր քենու՝ կնոջ քրոջ բազկին, նախաբազկին ու աջ ազդրին՝ նրա առողջությանը պատճառելով միջին ծանրության վնաս:
Ապա տան մյուս ննջասենյակում Կարեն Սեդրակյանը, ըստ մեղադրանքի, խոհանոցային դանակով հարվածներ է հասցրել արդեն իր կնոջ կրծքին՝ նրա առողջությանը պատճառելով ծանր վնաս:
Կարեն Սեդրակյանին մեղադրանք է առաջադրվել ՀՀ քրեական օրենսգրքի 113 հոդվածի 1-ին և 112 հոդվածի 1-ին մասերով:
Սեդրակյանի խափանման միջոցը կալանավորումն է:
