Եվրամիության երկրների ավիաընկերությունները ստիպված են եղել 6.22 մլրդ դոլար փոխհատուցում վճարել հեռու չվերթների ուղևորներին, որոնք ինքնաթիռների հետ կապված տեխնիկական խնդիրների պատճառով իրենց նախընտրած վայրն են հասել երեք և ավելի ժամ ուշացումով: Նման որոշում է ընդունել Մեծ Բրիտանիայի Գերագույն դատարանը, որը, 4 տարի շարունակ քննելով այդ գործը, ավիաընկերությունների և ուղևորների միջև վեճը լուծել է հօգուտ վերջիններիս: Այս մասին գրում է TASS-ը:
Վնաս կրած ուղևորների ներկայացուցիչն ասել է, որ տվյալ իրադարձությունը պատմական նշանակություն ունի:
Համաձայն ԵՄ-ի օրենքների` ուղևորներն իրավունք ունեն մինչև 752 դոլար փոխհատուցում ստանալ, եթե երկարատև թռիչքների ժամանակ ինքնաթիռը նշանակված ժամանակից 3 ժամ ուշ է ժամանում: Այդ օրենքը, սակայն, մի շարք բացառություններ ունի: Այն չի գործում հատուկ հանգամանքների դեպքում, ներառյալ՝ վատ եղանակը, անձնակազմի գործադուլները, թռչունների հետ բախման հետևանքով ինքնաթիռի վնասվելը:
