«Առաջին լրատվական»-ի զրուցակիցն է պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը:
-Մանուկ հասակում զբաղվել եք մարմնամարզությամբ, մարտարվեստով, հեծանվասպորտով: Ինչպե՞ս կատարվեց անցումը բռնցքամարտի: Գիտեմ, որ այս հարցում առանցքային դեր է ունեցել Մայք Թայսոնը` ոգեշնչելով Ձեզ:
-Այո, ծնողներս միշտ ինձ տարել են սպորտի, փոքր ժամանակվանից զբաղվել եմ սպորտով, բայց ոչ պրոֆեսիոնալ, սիրողական, ուղղակի առողության համար: Դարձա հեծանվասպորտի երիտասարդների Հայաստանի բազմակի չեմպիոն: Հետո սկսեցի դիտել Մայք Թայսոնի մենամարտերը, զգացի, որ սիրում եմ բոքսը: Ավելի ու ավելի խորացավ այդ սերն, ու մարզիչն ասաց, որ տաղանդ ունենք ես ու եղբայրս: Բոլոր կենդանիներիս անունը եղել է Մայք Թայսոն, ինչպես շանս անունը հիմա (ժպտում է):
-1995-ին մեկնեցիք Գերմանիա` Բամբերգ քաղաք: Ուվե Շուլց. նա էր առաջին մասնագետը, ով նկատեց Ձեր տաղանդն ու սկսեց աշխատել Ձեզ հետ: Մի քանի բառով ներկայացրեք Գերմանիայում առաջին քայլերի դժվարությունները: Գիտեմ, որ 16 տարեկանում մենամարտերի դիմաց վաստակում էիք 50 մարկ:
-Այո, 16 տարեկանում ծնողներիս հետ գնացել եմ Գերմանիա, մինչև 19 տարեկանը, հետո վերադարձել եմ Հայաստան: Այն ժամանակ Ուվե Շուլցը` մեր մարզիչը, մեզ հետ ծանոթացավ, տեսավ, որ ես ու եղբայրս տաղանդավոր բռնցքամարտիկներ ենք, փորձեց մեր տաղանդն ավելի աճեցնել, զարգացնել: Այդպես սկսեցինք բռնցքամարտով զբաղվել:
Ավելին` տեսանյութում
