Մոտենում է British Fashion Awards ամենամյա մրցանականաբաշխությունը, որը նախատեսված է Բրիտանիայի նորաձևության աշխարհում ներդրում ունեցողների համար: Բացի առավել հաջողակ դիզայներներից և մոդելներից, կընտրվեն նաև ամենաոճային հայտնիները: British Style Award մրցանակի հավակնորդների անուններն արդեն հայտնի են: Այստեղ ամենա-ամենաներն են, գրում է Spletnik.ru-ն:
Նրանցից մեկը նորաթուխ տիկին Քլունին է, որը գրավում է հիանալի կերպարներով, որոնք ցուցադրել է Վենետիկում՝ նախահարսանեկան երեկույթին, հենց հարսանիքին և արարողության հաջորդ օրը՝ զբոսանքի ժամանակ:
Ամալից բացի, ցուցակում ընդգրկված են Քեյթ Մոսը, Կարա Դելվինը և Ջորդան Դանը, դերասանուհիներ Կիրա Նայթլին, Էմմա Ուոթսոնը և Հելեն Միրենը, ինչպես նաև Ռիտա Օրան, Քեյթ Բուշը և Թալիա Բարնեթը:
Ցուցակում այս տարի բացակայում են դքսուհի Քեյթի և Ալեքսա Չանգի անունները:
Այս մրցանակի հաղթողին ընտրելու են իրենք՝ բրիտանացիները՝ իրենց ձայնը տալով նրան, ով ամենից շատն է մարմնավորում անգլիական նորաձևության ոգին և արժանի է Լոնդոնի միջազգային դեսպանը դառնալ:
