Հյուսիսային Կորեան շարունակում է հարավկորեացի «կապիտալիստների» դեմ գրոհները, այդ թվում նաև թվային տարածությունում: Սեուլի իշխանությունները զեկույց են հրապարակել, որում նշվում է, որ վիրուսակիր բջջային խաղերի միջոցով Հյուսիսային Կորեայի հատուկ ծառայությունները «կոտրել են» Հարավային Կորեայի ավելի քան 20 հազար հեռախոս: Այս մասին հայտնում է hitech.vesti.ru-ն:
Վարակված հավելվածները տեղադրվել են Հարավային Կորեայում տարածված տարբեր կայքերում: Երբ օգտատերերը դրանք ներբեռնել են իրենց Android-սմարթֆոնների մեջ, Հյուսիսային Կորեայի հատուկ ծառայությունները հասանելիություն են ստացել նրանց անձնական տվյալներին: Հարավային Կորեայի կառավարությունը չի նշել՝ հատկապես որ բջջային խաղերից է պետք զգուշանալ, սակայն հայտարարել է, որ բոլոր «լրտեսական» ծրագրերն արդեն հեռացված են:
