Մեխիկոյից ոչ հեռու՝ Տեոտիուականում պեղումների ժամանակ հնագետները հայտնաբերել են հնագույն քաղաքակրթության մոտ 50 հազար ցուցանմուշներ՝ հայտնում է BBC-ի ռուսական ծառայությունը:
Գտածոների թվում են՝ հնագույն առարկաներ, կերամիկա, ծովային խխունջներ, սերմեր ու կենդանիների ոսկորներ: Այդ ամենը հայտնաբերվել է լքված թունելում, որն արգելափակվել էր մոտ 2 հազար տարի առաջ:
Մոտ 9 տարի հնագետները մանրամասն հետազոտել են հնագույն թունելն ու այդ ամբողջ ժամանակ այնտեղից դուրս բերել տոննայով հող:
Այնտեղ հայտնաբերվել են նաև դամբարաններ, որոնցում ենթադրաբար, գտնվում են Տեոտիուականի հայտնի բնակիչների աճյունները:
Տեոտիուականը կենտրոնական Մեքսիկայի ամենագլխավոր քաղաքներից էր՝ մինչ իսպանացիների հայտնվելը:
