Google ընկերությունը կազմել է Android օպերացիոն համակարգով աշխատող 2012թ. լավագույն հավելվածների ցուցակը: Ցուցակի մեջ մտել են 9 անվճար և մեկ վճարովի ծրագրեր: Դրանցից որոշներն առաջին անգամ են հայտնվել Google Play առցանց խանութում, իսկ մյուսները կարևոր թարմացումների են ենթարկվել 2012թ:
Ընկերությունում ընդգծել են, որ տասնյակում ընդգրկված գրեթե բոլոր հավելվածները հարմարեցված են և սմարթֆոնների, և պլանշետների համար ու հասանելի են մի շարք երկրներում:
Լավագույն Android-ծրագրերի տասնյակում տեղ են գտել.
Evernote – «ամպում» (cloud) տեքստային, տեսա և ձայնագրառումներ անելու և դիտելու համար
Pinterest – վիզուալ սոցցանց
Grimm’s Snow White – Սպիտակաձյունիկի մասին հեքիաթների ինտերակտիվ գիրք
Pocket – ցանցից ներբեռնված հոդվածները հարմարավետ ընթերցելու համար
Expedia Hotels & Flights – հյուրանոցների և ավիատոմսերի որոնում և պատվիրում
Ancestry – թույլ է տալիս հետևել տոհմածառին
Fancy – զեղչեր փնտրելու համար
SeriesGuide Show Manager – բազմասերիանոց ֆիլմերի սիրահարների համար. հիշեցնում է, թե որ հեռուստաալիքով և որ ժամին է այն ցուցադրվելու
Pixlr Express – Android-ի համար ամենազարգացած և ամենաշատ գործառույթներ ունեցող ֆոտոխմբագիրը
TED – հայտնի գիտնականների, երաժիշտների, ձեռնարկատերերի և այլ մարդկանց TED կոնֆերանսի ելույթների ձայնագրությունները:
