Մեծ Բրիտանիայի ամենագեր կնոջ՝ Բրենդա Ֆլա0նագան-Դևիսի ամուսինը պատմել է ճարպակալման վտանգների մասին, գրում է The Daily Mail-ը: «Ես ուզում եմ մյուս մարսկանց զգուշացնել սեփական առողջությանը հետևելու անհրաժեշտության մասին, և որ պետք չէ հրաժարվել օգնությունից, եթե որևէ մեկն այն առաջարկում է»,- ասել է Ռոնալդ Դևիսը:
«Ես չէի ցանկանա, որ այն, ինչ տեղի է ունեցել Բրենդայի հետ, ուրիշների հետ կատարվի»,- ավելացրել է նա:
Մեծ Բրիտանիայի ամենագեր կինը համարվող Ֆլանագան-Դևիսը մահացել է 2013 թ. 44 տարեկանում սրտի նոպայից: Բրիտանուհին կռշել է ավելի քան 250 կգ:
Բժիշկները կնոջն ասել են, որ պետք է նիհարի, հակառակ դեպքում կմահանա, ասվում է հոդվածում: Նա ամեն օր ավելի քան 6 000 կալորիա է օգտագործել:
Դևիսի խոսքով՝ ինքն անհանգստանում էր կնոջ առողջության համար և ուզում էր, որ նա նիհարի: Սակայն կինը չի նիհարել, ինչն անհրաժեշտ է եղել ստամոքսի վիրահատության համար:
Ֆլանագան-Դևիսի մահվանից հետո նրա ամուսինը փոխել է իր ապրելակերպը: Դևիսի խոսքով՝ ինքը հասկացել է, թե որքան կարևոր է առողջ լինելը:
