XVII դարի Սեն-Սյուլպիս տաճարում, որն ամենամեծերից է Ֆրանսիայի մայրաքաղաքում, այսօր տեղի է ունեցել Total նավթագազային կորպորացիայի նախկին ղեկավար Քրիստոֆ դե Մարժերի հոգեհանգիստը՝ հայտնում է TASS-ը: Նա զոհվել է հոկտեմբերի 21-ի գիշերը՝ մոսկովյան «Վնուկովո> օդանավակայանում ավիավթարի հետևանքով:
Ավելի քան 1.700 մարդ է հավաքվել տաճարում հիշատակի արարողությանը: Անվտանգության ծառայությունը խիստ հսկողության տակ է վերցրել տաճարի մոտակա ամբողջ տարածքն ու փողոցները:
Քրիստոֆ դե Մարժերին հարգանքի տուրք մատուցելու են գնացել նրա կինն ու 3 երեխաները, թոռները:
Արարողության ժամանակ Ֆրանսիան ներկայացրել է երկրի նախագահ Ֆրանսուա Օլանդը: Արարողությանը ներկա են եղել նաև երկրի վարչապետ Մանուել Վալսը, մի շարք նախարարներ, Ելիսեյան պալատի գլխավոր քարտուղար Ժան-Պյեր Ժյույեն, Total կորպորացիայի բարձրաստիճան աշխատակիցներ, ԱՄՀ ղեկավար Քրիստին Լագարդը, ֆրանսիական խոշորագույն ընկերությունների ղեկավարներ:
