2012թ. Գյումրիի «Շիրակ» կենտրոնի աշխատանքի համար բեղմնավոր էր և հաջողված: Այս մասին «Առաջին լրատվական»-ի հետ զրույցում ասաց Գյումրիի «Շիրակ» կենտրոնի ղեկավար Վահան Թումասյանը՝ ամփոփելով անցնող տարին:
Նա հիշեցրեց, որ 400 հազարդոլարից ավելիբարեգործություն է իրականացվել Գյումրիի անօթևանների համար, 13 բնակարան է ձեռք բերվել անօթևան ընտանիքների համար և տարբեր օգնություններ են տրվել: Նաև նշեց, որ «Շիրակ»կենտրոնի օգնությամբ այս տարի դպրոցահասակոչ մի երեխա պարագաների, հագուստի բացակայության պատճառով չի զրկվել ուսումից: «Մի խոսքով` հաջողված տարի էր, ևս երկու բնակարան առաջիկայում էնախատեսվում շահագործման հանձնել»,- ասաց նա:
Վահան Թումասյանը 2013թ. գյումրեցիներին մաղթեց համբերություն, հոգևոր փոփոխություն, բարոյահոգեբանական մթնոլորտի փոփոխություն Գյումրիում, մարդիկ հավատան, որ ՀՀ-ն իրենց երկիրն է:
«Մենք այսօր ունենք կառավարման և կազմակերպման խնդիր, եթե իշխանությունները չկործանեն երկիրը, մեր երկիրն ամենալավը կլինի: Ես մաղթում եմ, որ հաջորդ տարի իշխանություններին խելք, շնորհք տրվի արժանի կառավարում վարելու և արտագաղթը կանգնեցնելու առումով»,- մանրամասնեց Վահան Թումասյանը:
