26-ամյա չինուհի Տան Շենը ընկճախտի մեջ է ընկել, երբ նրան լքել է ընկերը: Բաժանությունը հաղթահարելու համար աղջիկը դուրս է եկել զբոսանքի և իր համար անսպասելի հայտնվել KFC-ում: Հավի թևիկներ պատվիրելով՝ աղջիկը որոշել է ռեստորանում մնալ… մեկ շաբաթ՝ գրում է ofigenno.cc-ն:
«Ես զբոսնում էի և ինձ դժբախտ զգում: Որոշեցի կանգ առնել կայարանի KFC ռեստորանում: Սակայն ես չէի պլանավորել այնտեղ երկար մնալ: Ինձ ուղղակի ժամանակ էր հարկավոր, որպեսզի մտածեի այդ ամենի մասին»,- ասել է աղջիկը:
նա չէր ցանկանում տուն վերադառնալ, քանի որ դատարակ բնակարանը նրան հիշեցնում էր բաժանման մասին:
KFC-ի աշխատակիցները աղջկա վրա ուշադրություն են դարձրել միայն մի քանի օր անց: Նրանք օրվա մեջ մի քանի հերթափոխով են աշխատում, և ամեն հաճախորդի դեմքով հիշելը բավականին դժվար է:
Սակայն երեք օր անց պարզ է դարձել, որ Շենը ռեստորանից դուրս չի եկել: Աշխատակիցները սկսել են անհանգստանալ: Սակայն նա ոչ ոքի չի խանգարել, վճարել է սննդի համար, ինչպես բոլոր սովորական հաճախորդները, այդ պատճառով էլ նրան դուրս չեն հանել: Մեկ շաբաթ անց աղջիկը որոշել է, որ արդեն բավական է: Սակայն այդ պահին հայտնվել են տեղի ԶԼՄ-ները, որոնք որոշել են նրա մասին հոդված գրել:
Աղջիկը մտածել է, որ այդ պահին լավագույն որոշումը ծնողների մոտ մեկնելն է, և հենց առաջին չվերթով մեկնել է:
