Նյու Յորքում կախվել է Deutsche Bank-ի գլխավոր փաստաբան Կալոջերո Գամբինոն՝ հաղորդում է The Wall Street Journal–ը։
41-ամյա տղամարդը կախված է հայտնաբերվել դեռ հոկտեմբերի 20-ին։ Նրան հայտնաբերել է կինը։
Գամբինոն, որն ընկերության գլխավոր իրավախորհրդատուն էր և կառավարիչ-տնօրենը, գերմանական բանկում աշխատել է 11 տարի։
«Փաստաբանը անմիջական մասնակցություն է ունեցել Deutsche Bank-ի իրավական հարցերով բանակցություններին, օրինակ` պաշտպանել է ընկերությանը՝ կապված Libor-ի բազային տոկոսադրույքի մանիպուլյացիայի մասին մեղադրանքների հետ, ինչպես նաև արժութային շուկաների հարցերով»,- նշում է պարբերականը։
Գերմանիայի ամենամեծ վարկատուն վերջին երկուսուկես տարում արդեն € 6,1 մլրդ է վճարել տուգանքների և պատիժների տեսքով։ Ենթադրվում է, որ 2014թ. երրորդ եռամսյակի համար ընկերության դատական ծախսերը կազմել են € 894 մլն։
Այս տարվա հունվարին Deutsche Bank-ի ռիսկերի և կապիտալների օպտիմիզացման ենթաբաժնի ղեկավար Ուիլյամ Բրոքսմիթը ևս կախվել էր Լոնդոնի իր սեփական բնակարանում։