Փոքրիկ սպիտակ շնիկն ամեն օր իր տիրուհուն փրկում է մահից: Կինը տառապում է չբուժվող հիվանդությամբ. Իդեֆիքսն անընդհատ արթնացնում է կնոջը, ով կանգնած տեղն էլ քնում է:
Բելգիայում ապրող 35-ամյա Աննիկը չգիտի, թե որտեղ և երբ նա կքնի. կինը տառապում է նարկոլեփսիայով՝ նյարդային համակարգի հիվանդությամբ, որի համար հատկանշական են անսպասելի և անհաղթահարելի քնկոտությունը:
Կինը պարբերաբար խորը քուն է մտնում, որը կարող է մինչև 16 ժամ տևել: Այդ պատճառով էլ Աննիկի ծնողները երբեք իրենց դստերը մենակ չեն թողել:
Սակայն փոքրիկ սպիտակ շան հայտնվելն ընտանիքում զգալիորեն բարելավել է հիվանդի վիճակը: Շունն իր վրա է վերցրել ծնողների պարտականությունների մի մասը:
«Աննիկը չեր կարողանում ինքնուրույն առօրյա գործերով զբաղվել, քանի որ ցանկացած պահի կարող էր քնել և իր կյանքը վտանգել: Շան շնորհիվ նա այժմ կարողանում է նույնիկ փողոց դուրս գալ և ընկերների հետ շփվել, երթևեկել հասարակական տրանսպորտում»,- ասել է կնոջը բուժող բժիշկը:
Իդեֆիքսին սովորեցրել են արթնացնել տիրուհուն զարթուցիչը միանալուն պես:
Շունը գիտի նաև, թե որ կանգառում է հարկավոր արթնացնել Աննիկին:
Շանը վարժեցնելու համար մեկ տարի է պահանջվել:
