Վերջին 20 տարում Նյու Յորքում օրինազանցների թիվն աճել է: Դա առաջին հերթին կապված է Apple ապրանքանիշի սարքերի գողությունների հետ: Ինչպես հաղորդում է hitech.vesti-ն, 9 տոկոսով աճել են անհատական գաջեթների, օրինակ՝ iPhone սմարթֆոնների գողության դեպքերը:
Ըստ Նյու Յորքի ոստիկանության ներկայացուցիչ Փոլ Բրաունի` 2012 թ. հունվարի 1-ից մինչև սեպտեմբերի 30-ը գողացվել է Apple-ի 11 հազար 447 սարքավորում: Սակայն սեպտեմբերին, երբ սկսվեց iPhone 5-ի վաճառքը, ոստիկանության աշխատակիցները վերահսկում էին 21 Apple Store խանութներ: Ոստիկանները վաճառողներին օգնում էին ակտիվացնել սմարթֆոնների այն ծրագրերը, որոնք գողանալու դեպքում «հայտնում են» այդ մասին:
Ըստ The Wall Street Journal-ի` 2012 թ. Նյու Յորքում մարդասպանությունների թիվը հասել է նվազագույնի: Տարվա սկզբին քաղաքում արձանագրվել է 414 սպանություն` 20.6 տոկոսով ավելի քիչ, քան 2011 թ.: