Իրանական ILNA լրատվական գործակալության փոխանցմամբ՝ Իրանի նախագահ Մահմուդ Ահմադինեժադը զբաղեցրած պաշտոնից հեռացրել է առողջապահության ու բժշկական կրթության նախարար Մարզիե Վահիդ-Դաստջերդիին:
Վերջինս Իրանում Իսլամական հեղափոխության հաղթանակից հետո առաջին կին նախարարն է կառավարությունում: Իրանի պատմության ընթացքում նա երրորդ կին նախարարն է: Ահմադինեժադի հրամանով՝ ժամանակավորապես առողջապահության ու բժշկական կրթության նախարար է նշանակվել դոկտոր Մոհամմադհասան Թարիգաթ Մոնֆարեդը:
Վերջին շաբաթներին իրանական ԶԼՄ-ները գրում էին, թե հնարավոր է Դաստջերդին հեռացվի զբաղեցրած պաշտոնից, սակայն նախարարը դա հերքում էր: Դաստջերդին դժգոհել էր, որ երկրի Կենտրոնական բանկը նախարարությանը չի հատկացնում ամերիկյան արժույթ՝ արտասահմանում անհրաժեշտ դեղորայք գալու համար: Նա առաջարկել էր բարձրացնել դեղորայքի գինը, ինչին երկրի նախագահը չի համաձայնել: