Գերմանիայի հյուսիսում գտնվող Օսնաբրյուկ քաղաքի նավահանգստում այրվել և սուզվել է բենզին տեղափոխող մի լցանավ:
Այս մասին հաղորդում է Associated Presse գործակալությունը:
Հրդեհը նավի վրա սկսվել էր երեկ երեկոյան, երբ այն կանգնած է եղել Lingen-Hokthausen նավթավերամշակման գործարանի մոտ, որը պատկանում է բրիտանական BP ընկերությանը:
Հրդեհի ժամանակ նավի վրա երեք պայթյուն է տեղի ունեցել, սակայն հրշեջներին հաջողվել է մեկուսացնել կրակը, որպեսզի այն չանցնի նավահանգստում գտնվող մյուս նավերի վրա: Նավի անձնակազմին հաջողվել է փրկվել. 5 հոգուց միայն մեկն է այրվածքներ ստացել:
Տեղի է ունեցել նաև վառելիքի հոսք, սակայն քիմիական արտանետումների վտանգը կանխվել է
Դորթմունդ-Էմս գետի ջրանցքը փակված է նավարկության համար:
Հրշեջները, սակայն, զգուշացրել են, որ կիսասուզված նավի մեջ դեռ վառելիք կա, և հնարավոր են նոր հրդեհներ և նույնիսկ պայթյուններ:
Գերմանական ոստիկանությունը սկսել է գործի քննությունը:
