Թուրքիայում աղի խոշոր հանք է հայտնաբերվել: Ինչպես հաղորդել է թուրքական Sabah թերթը՝ աղի հանքը գտնվում է Ենիյափան գյուղում` Կենտրոնական Անատոլիայում:
Թուրք երկրաբանները բացահայտել են հանքի ծավալները և հաստատել, որ այն պարունակում է գրեթե 8 մլրդ տոննա աղ: Այս մասին հաղորդել է Կիրիկկալե նահանգի նահանգապետ Ալի Քոլաթը: Երկրաբանները երկար ժամանակ աղի նոր հանքեր էին որոնում սննդային ընկերությունների պատվերով:
Վերջին ժամանակներս երկիրը խնդիր ունի սեփական աղի արտադրության առումով: Եղած պաշարները հետզհետե սպառվում են Կենտրոնական և Արևմտյան Թուրքիայում, այդ պատճառով նոր որոնումներ էին սկսվել, որոնք ավարտվել են նոր հանքի հայտնաբերմամբ:
Համաձայն Sabah-ի հաղորդագրությունների՝ հայտնաբերված պաշարները երկար տարիներ կբավարարեն սպառողներին:
