Femen-ի ակտիվիստները Միլանի Դուոմո կենտրոնական հրապարակում կիսամերկ ակցիա են արել՝ ի պաշտպանություն ուկրաինացի ժողովրդի, մինչ «Ասիա-Եվրոպա» ֆորումը սկսելը, որին Իտալիայում մասնակցելու համար ժամանել է ավելի քան 50 պետություն ու կառավարություն:
Աղջիկները մոտեցել էին հրապարակի տաճարին, մերկացրել իրենց կուրծքը, ապա իրենց վրա լցրել մեկ դույլ գինի, որը, ըստ Tgcom 24 հեռուստաալիքի, մարմնավորում է Ուկրաինայում հակամարտության ժամանակ զոհվածների արյունը:
Ակտիվիստներին միանգամից ձերբակալել էին իրավապահները:
Ֆորումի հիմնական նպատակն էր համագործակցություն ծավալել անդամ երկրների շրջանում քաղաքականության, անվտանգության, ֆինանսատնտեսական, սոցիալ-մշակութային և տրանսպորտի ոլորտներում:
