Ավարտվել է Նյու Յորքում ամենաբարձր բնակելի երկնաքերի՝ «432 Պարկ-ավենյուի» շինարարությունը՝ հայտնել է շինարարական ընկերության ղեկավար Հարրի Մակլոուն:
Մանհեթենի կենտրոնական 56-րդ ու 57-րդ փողոցների միջև տեղակայված Պարկ ավենյուում 96-հարկանի երկնաքերի բարձրությունը մոտավորապես 426 մետր է և գտնվում է աշխարհում լավագույն բուտիկների հարևանությամբ:
Երկնաքերի ձևավորմամբ զբաղվում է ծագումով հունգարացի Ռաֆայել Վինյոլին, որը կառուցել է էլեգանտ քառակուսի աշտարակ բետոնից, պողպատից ու ապակուց:
Ինչպես ակնկալվում է, էլիտար նորակառուցի բնակիչները կկարողանան այցելել մասնավոր ռեստորան, այգի, սպա և ֆիթնես կենտրոններ, սաունա, մերսման սրահներ, գրադարան, բիլյարդի սրահներ ու կկարողանան օգտվել մանկական խաղահրապարակից՝ հայտնում է Daily Mail-ը:
