Ռեժիսոր Քվենտին Տարանտինոյի ցանկացած ֆիլմի երաժշտություն ինքնին արկած է: Ավանդույթը շարունակվում է նրա նոր՝ «Ազատագրված Ջանգոն» (Django Unchained) ֆիլմի պարագայում: Los Angeles Times-ի փոխանցմամբ՝ ֆիլմի պրեմիերան կայացել է Սուրբ Ծնունդի օրը:
Սաունդթրեքի ալբոմը թողարկվել էր ֆիլմի պրեմիերայից մեկ շաբաթ առաջ: Տարանտինոն իրականում միավորել է սպագետի արևմտյան ոճում ստեղծագործող կոմպոզիտորների կնքահայր Էնիո Մորիկոնի The Braying Mule և Sister Sara’s Theme թրեքները, ռեփեր Ռիք Ռոսի 100 Black Coffins-ը, ջազային երաժիշտ էնթոնի Հեմիլթոնի Freedom-ը, R&B-փոփ երգիչ Ջոն Լեջենդի Who Did That To You և 70-ականների ռոք երաժիշտ Ջիմ Կրոսի I Got a Name հիթերը:
Թրեքը հնչել է ռադիոկայաններով: «Ջանգոյի» սաունդթրեքի հեղինակը Լյուիս Բակալովն է:
Sirius XM արբանյակային ռադիոկայանով այն մեկնաբանելիս ռեժիսորն ասել է. «Սա հիանալի էլեկտրոնային սաունդթրեք է, ինչպես իմ սաունդթրեքների մեծ մասը: Սակայն այս մեկը հին դպրոցական երգերի, սպագետի արևմտյան ոճի և նոր երաժշտության կոկիկ միքս է»:
