Այսօր ԱՄՆ-ում նշվում է Կոլումբոսի օրը: Այս ազգային տոնը նվիրված է 1492-ի հոկտեմբերի 12-ին ծովագնաց Քրիստափոր Կոլումբոսի «վայրէջքին» Նոր աշխարհ: Բազմաթիվ խոշոր քաղաքներում կանցկացվեն վառ շքերթներ, իսկ ամենազանգվածային երթը, ըստ ավանդության, կանցկացվի Նյու Յորքում: Այս մասին գրում է TASS-ը: Հազարավոր մարդիկ երթով կանցնեն Հինգերորդ ավենյուով՝ կանաչա-սպիտակա-կարմրավուն իտալական դրոշով:
Կոլումբոսի ազգային օրը տոնը սահմանվել է 1937-ին՝ նախագահ Ֆրանկլին Ռուզվելտի կողմից: 1971-ից հետո այս տոնը, Կոնգրեսի որոշմամբ, նշվում է հոկտեմբերի երկրորդ երկուշաբթի օրը:
Տոնը հատկապես շքեղ է նշվում ԱՄՆ իսպանալեզու և իտալական համայնքներում՝ պայմանավորված Կոլումբոսի ծագմամբ, որի շուրջ մինչ օրս վիճում են պատմաբանները:
