Ֆիլիպ Կիրկորովի մոսկովյան Զեմլյանոյ Վալ փողոցի բնակարանի 80-ամյա հարևանուհի Իրինա Կիսելյովան շոկի մեջ է իր հարևանի հետ հանդիպումից, հայտնում է super.ru-ն:
Տարեց կնոջ խոսքով՝ հոկտեմբերի 7-ին իրենց շենքի մուտքում երգչի հետ բախվելիս վերջինս իր հասցեին վիրավորանքներ ու ֆիզիկական հաշվեհարդարի սպառնալիքներ է ուղղել:
Ինչպես պատմում է ցնցված թոշակառուն, 47-ամյա երգիչն իրեն կորցրել է շենքի մյուս բնակիչների հետ վեճի պատճառով:
Մեկ ամիս առաջ հարևաններն ու Կիրկորովը վիճել էին շենքի նկուղի պատճառով և կոչ էին արել Կիրկորովին՝ ազատել տարածքը, որը նա լցրել էր իր անձնական իրերով:
Կողմերը չէին կարողացել խաղաղ լուծել վեճը ու դիմել էին դատարան: Հիմա, ըստ Իրինա Դանիլովնայի, գալով շենք, Կիրկորովն իր զայրույթը շքամուտքում թափել է իր վրա:
«Մենք Ֆիլիպին մանկուց գիտենք, ընկերություն էինք անում նրա ծնողների հետ, միմյանց տուն էինք գնոմ ծննդյան արարողություններին: Հիմա ես պարզապես շոկի մեջ եմ նրա վարքից»,- պատմում է թոշակառուն:
Կնոջ խոսքերը հաստատել է նրա որդին՝ Վլադիմիրը, որը նույնպես հայտարարել է, թե իր հասցեին ևս սպառնալիքներ են հնչել:
SUPER-ի հետ զրույցում երգչի ներկայացուցիչները հայտնել են, որ վրդովված են Կիսելյովների մեղադրանքներից, սակայն հասկանում են նրանց արաքի դրդապատճառը:
«Այդ կինն ու նրա որդին պարզապես վիրավորված են Ֆիլիպից ու հաշիվներ են մաքրում: Բանն այն է, որ ապրելով Զեմլյանոյ Վալում՝ 1994-ից Ֆիլիպը գրեթե 20 տարի վճարել է շենքի մուտքի ու տեսահսկման համար: Այդտեղից տեղափոխվելուց հետո վճարելու անհրաժեշտություն այլևս չկա, ու դադ դուր չի եկել Կիսելյովներին»,- բացատրել է Կիրկորովի մամլո ծառայությունը:
Վերջիններիս խոսքով՝ կինն ու նրա որդին դրդել են հարևաններին բողոքել երգչի դեմ, որ իբր անօրինական կերպով է զբաղեցնում տարածքը:
