Թուրքիայում քրդամետ՝ Ժողովուրդների դեմոկրատական կուսակցության (HDP) առաջնորդ Սալահադին Դեմիրթաշին կարող են ձերբակալել՝ հաղորդում է թուրքական Kanal7 հեռուստաալիքը։
Հեռուստաալիքի տեղեկացմամբ՝ Դեմիրթաշը մեղադրվում է հարավային գավառների բնակչությանն ուղղված զանգվածային անկարգությունների կոչերի մեջ։
Ավելի վաղ հաղորդվել էր, որ հատկապես HDP-ն է՝ Դեմիրթաշի գլխավորությամբ, քրդական բնակչությանը կոչ արել հանդես գալ Անկարայի՝ սիրիական Քոբանի քաղաքի (որտեղ վերջին օրերին մարտեր են ընթանում քրդերի և ԴԱԻՇ-ի գրոհայինների միջև) իրադարձություններին չմիջամտելու քաղաքականության դեմ։
Թուրքիայում քրդերի բողոքի ակցիաների ընթացքում զոհվել է 36 մարդ։
Անկարգությունների կապակցությամբ պարետային ժամ է սահմանվել Դիարբեքիր, Մարդին, Սիիրտ, Մուշ, Վան և Բաթման գավառներում։
