Կոալիցիոն ուժերի ռազմական միջամտությունը Լիբիայում տարբեր կերպ է մեկնաբանվում: Ադրբեջանցի փորձագետ, «Արևելք-Արևմուտք» հետազոտական կենտրոնի ղեկավար Արաստուն Օրուջլուի կարծիքով, կոալիցիոն ուժերի կողմից իրականացվող օպերացիան ոչ «խաչակրաց արշավանք է», ոչ էլ օկուպացիայի փորձ:
«Այդ օպերացիան անցկացվում է ՄԱԿ-ի Անվտանգության խորհրդի որոշման շրջանակներում, ինչն էլ նշանակում է, որ այն իրավաչափ է: Ինչպես նաև կարծում եմ, որ այս օպերացիան ուղղված է բնակչության անվտանգության ապահովմանը, որը պայքարում է դիկտատորի դեմ»,- նշեց ադրբեջանցի փորձագետը:
Անդրադառնալով այն տեսակետին, թե Լիբիայում ՆԱՏՕ-ն պաշտոնապես չի գործում, այլ օպերացիան իրականացնում են այսպես կոչված կոալիցիոն ուժերը, Օրուջլուն ասաց. «Իմ կարծիքով, օպերացիայի կառավարումը արդեն իսկ հանձնվել է ՆԱՏՕ-ի ղեկավարությանը»: