Հնդկաստանի մայրաքաղաք Նյու Դելիի ոստիկանությունը ներողություն է խնդրել անցած հանգստյան օրերին քաղաքի կենտրոնում հավաքված ցուցարարների նկատմամբ կիրառած բռնությունների համար:
«Մենք անկեղծորեն զղջում ենք, եթե որևէ անմեղ ցուցարար վիրավորվել կամ թունավորվել է արցունքաբեր գազից, մենք ներողություն ենք խնդրում»,- հայտարարել է մայրաքաղաքային ոստիկանական վարչությունը Twitter-ի իր միկրոբլոգում:
Ինչպես հաղորդում է Hindustan Times-ը, Նյու Դելիում ոստիկանների և ցուցարարների միջև տեղի ունեցած բախումների հետևանքով վիրավորվել է շուրջ 80 ոստիկան և 65 ցուցարար:
Նշենք, որ այսօր առավոտյան հիվանդանոցում մահացել է ոստիկան Սուբհաշ Տոմարը, որը վիրավորվել էր կանանց իրավունքների ընդլայնմանը նվիրված ցույցի մասնակիցների հետ բախումների հետևանքով:
Հիշեցնենք, որ Հնդկաստանում խռովությունները ծագել են այն բանից հետո, երբ դեկտեմբերի 16-ին մի խումբ հարբած տղամարդիկ ավտոբուսում բռնաբարել էին 23-ամյա ուսանողուհու: Ցուցարարները պահանջում են հանցագործներին դատապարտել մահապատժի։
