Դորտմունդի «Բորուսիա»-ի պաշտպան Նևեն Սուբոտիչի գործակալ Ստեֆան Կելին հերքել է տեղեկությունները, որ ֆուտբոլիստը հրաժարվում է հանդես գալ Սերբիայի հավաքականում:
«Ճիշտ չէ, որ Նևենը չի ցանկանում խաղալ իր ազգային թիմում: Նա նոր է ապաքինվել ծնկի խաչաձև կապանների վնասվածքից, և անիմաստ է, որ նա այս վիճակով միանա հավաքականին:
Նախկին մարզավիճակին վերադառնալու պարագայում Սուբոտիչը պատրաստ է վերադառնալ հավաքական: «Բորուսիա»-ն առջևում մի քանի կարևոր խաղ պետք է անցկացնի, ինչը նրան հնարավորություն կտա մարզավիճակ ձեռք բերել»:
Սուբոտիչը Սերբիայի հավաքականում առաջին խաղն անցկացրել է 2009թ. սեպտեմբերին: Նա ազգային թիմում անցկացրել է 36 խաղ՝ խփելով 2 գոլ:
