Թուրքական Zaman թերթի փոխանցմամբ՝ Թուրքիայի փոխվարչապետ և կառավարության խոսնակ Բյուլենթ Արընչը կառավարության նիստի ավարտից հետո հայտարարել է, որ Թուրքիան պատրաստվում է Սիրիա ուղարկել հումանիտար օգնության չորրորդ խմբաքանակը:
Խոսքը 50,000 տոննա ցորեն ուղարկելու մասին է: Դրա առաքմամբ զբաղվելու է թուրքական Կարմիր մահիկը: Արընչը հավելել է, որ 2013 թվականին Թուրքիան մեծացնելու է Սիրիային հումանիտար օգնության առաքումների ծավալը: