Ասիա-խաղաղօվկիանոսյան տարածաշրջանում գլխավոր խաղացողը Չինաստանն է՝ հայտարարել է ԱՄՆ նախագահ Բարաք Օբաման Պենտագոնում տարածաշրջանային հրամանատարությունների պետերի հետ հանդիպմանը: Այս մասին փոխանցում է TASS գործակալությունը:
Նրա խոսքով՝ ԱՄՆ ներկայությունը տարածաշրջանում «շատ է ողջունվում» Ասիա-խախաղօվկիանոսյան երկրների կողմից: Դա ապահովում է «նավիգացիայի ազատություն և միջազգային օրենքների պահպանում, ինչը շատ կարևոր է»՝ նշել է նախագահը:
«Մենք պետք է դա անենք՝ ցույց տալով մեր հետաքրքրությունը Չինաստանի հետ համագործակցության և արդյունավետ հաղորդակցության հանդեպ, որն օբյեկտիվորեն գլխավոր խաղացողն է տարածաշրջանում»,- հավելել է Օբաման:
Նա նշել է նաև առանցքային դաշնակիցներ Կորեայի Հանրապետության և Ճապոնիայի հետ հարաբերությունների պահպանման կարևորությունը: Սպիտակ տան ղեկավարի կարծիքով՝ շնորհիվ ամերիկացի զինվորականների այդ կապերն այժմ գտնվում են շատ բարձր մակարդակի վրա:
