Էբոլա համաճարակով վարակված իսպանացի բուժքույր Մարիա Թերեզա Ռոմերոն ԶԼՄ-ներից է իմացել այն մասին, որ իր հանձնած անալիզները դրական արդունք են տվել: Այս մասին նա հեռախոսազրույցի ժամանակ հայտարարել է Cuatro հեռուստաալիքին:
Երկուշաբթի օրը հայտնի է դարձել, որ քահանա Մանուել Գարիսա Վյեխոյին խնամող բուժքույրը, ով Էբոլայով վարակվել էր Սյերա Լեոնայում և հասցվել իսպանական «Կարլոս III» կլինիկա, վարակված է այդ հիվանդությամբ:
«Ես մենակ էի սենյակում, և ինձ ոչ ոք չէր հայտնում արդյունքները: Ես բջջային հեռախոսով տեղեկություն գտա համացանցային ԶԼՄ-ներում այն մասին, որ երկու անալիզներն էլ դրական են»,- ասել է նա: Նրա խոսքերով` ինքն իրեն ավելի ու ավելի լավ է զգում:
Ռոմերոն հայտնել է, որ հնարավոր է վարակվել է, երբ հանել է համազգեստը` Մանուել Գարիսա Վյեխո մահվանցի հետո սենյակը մաքրելիս:
