ԱՄՆ նախագահ Բարաք Օբաման մնում է համացանցում ագրեսիվ հարձակումների և սպառնալիքների գլխավոր թիրախը՝ նույնիսկ չնայած ռասայական հողի վրա վիրավորանքների թվի որոշակի նվազմանը: Այս մասին գրում է The Washington Post-ը:
«Սկզբում Օբամային համացանցում խստորեն քննադատում էին մարդիկ, որոնք կարծում էին, որ «նրա ռասայի մարդն ունակ չէ պետություն կառավարել», հիմա նման վիրավորանքներն ավելի քիչ են, բայց համացանվող նախագահի հասցեին ստացվող սպառնալիքների ընդհանուր թիվը չի նվազում»,- գրում է թերթը:
Հունվարին իր թվիթերյան էջում «Սկզբի համար ես Օբամայի վերջը կտայի»-ի և «Ես կգամ ու կսպանեմ քեզ, Օբամա»-ի նման գրառումներ անող տղամարդը դատապարտվել էր 16 ամսվա ազատազրկման:
«Որոշ քննադատներ նույնիսկ խոսքից գործի են անցնում: Ջերարդ Միլլերը, որն իր ֆեյսբուքյան էջում Օբամայի իմփիչմենթի կոչ էր անում, ոստիկանության 2 սպայի է սպանել Լաս Վեգասի պիցցերիայում: Ոստիկաններից մեկի մարմնի վրա նա գրել է. «Սա հեղափոխության սկիզբն է»,- նշում է աղբյուրը:
