Խաղալիք արտադրող ընկերությունները մտավախություն ունեն՝ կապված իրենց արտադրանքի վաճառքի նվազման հետ, քանի որ ծնողները գնալով ավելի հաճախ են իրենց երեխաներին նվիրում պլանշետներ և այլ սարքեր, հաղորդում է The Financial Times-ը:
«Երկու խոշորագույն արտադրողներ՝ Mattel-ը և Hasbro-ն, ուղղակի սարսափած են»,-նշել է Needham & Company ներդրումային ընկերության փորձագետ Շոն Մակգոունը:
Mattel-ն աշխարհի խոշորագույն խաղալիք արտադրող ընկերությունն է շահույթի տեսանկյունից: Ընկերությունը թողարկում է հայտնի «Բարբի» տիկնիկները: Պարբերականի աղբյուրի խոսքերով՝ այս տարի ընկերության ամենավաճառվող ապրանքը եղել են բջջային խաղալիք հեռախոսները:
Սակայն խաղալիք արտադրող ընկերությունների համար ամենագլխավոր սպառնալիքը դարձել են պլանշետները: հիմնականում ծնողներն իրենց համար նոր սարք գնելուց հետո, հները նվիրում են երեխաներին:
Hasbro-ն, որն արտադրում է այնպիսի հայտնի սեղանի խաղեր, ինչպիսին է, օրինակ, «Մոնոպոլիան», սկսել է եկամուտները կորցնել Zynga համացանցային խաղի պատճառով:
Ներկայում փորձագետները ակնկալում են, որ Hasbro-ի վաճառքի ծավալը կկազմի 1.41 միլիարդ դոլար, իսկ Mattel-ինը՝ 2.29 միլիարդ:
