Թուրքական Doğan լրատվական գործակալության փոխանցմամբ՝ թուրքական օդուժը 4 ժամ ռմբակոծել է Հյուսիսային Իրաքը, ուր գտնվում են Քրդստանի աշխատավորական կուսակցության (PKK) ճամբարները: Թուրքական միանգամից 10 F-16 կործանիչներ երեկ երեկոյան՝ ժամը 20.00-ին, դուրս են եկել Դիարբեքիրի բազայից և հարվածել Հյուսիսային Իրաքի 5 առանձին շրջանների:
Հետախուզական տվյալների ստացումից հետո իրականացված այդ հարձակման ժամանակ ավիահարվածներ են հասցվել 15 թիրախների՝ PKK-ի ձմեռային ճամբարներին: 4 ժամ տևած ռմբակոծությունից հետո թուրքական մարտական ինքնաթիռներն անկորուստ վերադարձել են Դիարբեքիրի իրենց բազա:
