Ադրբեջանի տրանսպորտի նախարարությունը հայտարարություն է արել «Կարս-Ախալքալաք» երկաթգծի՝ Վրաստանի համար օգտակարության վերաբերյալ՝ «Ռեզոնանսի» թերթի հետ հարցազրույցում Վրաստանի վարչապետ Բիձինա Իվանիշվիլիի արտահայտած կասկածի հետ կապված։ Այս մասին հաղորդել է Trend-ը:
«Անկասկած, «Բաքու-Թբիլիսի-Կարս» երկաթգծի կառուցումը տարածաշրջանային և համաշխարհային մասշտաբի ծրագիր է: «Կարս-Ախալքալաք» հատվածը այդ ծրագրի բաղկացուցիչ տարրերից մեկն է: Դրա իրականացման համար իրավական հիմք է ծառայում 3 պետությունների ղեկավարների հայտարարությունը ,և Ադրբեջանի, Վրաստանի ու Թուրքիայի միջև կնքված համաձայնագիրը: Ըստ դրա էլ`մեզ վրա ենք վերցրել դրա իրականացումը: Հայտնի է, որ սրա հիման վրա Ադրբեջանի կառավարությունը 775 ԱՄՆ դոլար վարկ է տրամադրել վրացական կողմին:
Ադրբեջանը վստահ է, որ այս նախագիծը ռազմական և տնտեսական շրջադարձային նշանակություն կունենա ինչպես տարածաշրջանում, այնպես էլ նրանից դուրս: Իրականություն դառնալուց հետո այս նախագիծը կդառնա տարածաշրջանային անվտանգության բաղկացուցիչ տարրերից մեկը»,- ասել է Ադրբեջանի տրանսպորտի նախարար Նամիգ Հասանովը:
