Նոյեմբերի 11-ին Ժնևում տեղի կունենա Christie’s աճուրդի տան Magnificent Jewels վաճառքը: Դրանց թոփ-լոտը կդառնան Cartier-ի ապարանջանն ու կրծքազարդը՝ պատրաստված վագրերի տեսքով:
Լեգենդար «գիշատիչները» ավելի վաղ գտնվել են Վինձորի դքսուհու հավաքածուում, իսկ ավելի ուշ՝ 1987-ին, զարդերը գնեց կոմպոզիտոր Էնդրյու Լլոյդը Ուեբերի աճուրդում ու նվիրվել էր կնոջը՝ Սառա Բրայթմանին, ի պատիվ «Օպերայի ուրվականը» մյուզիքլի հաջողության:
Ուոլիս Սիմփսոնը՝ Վինձորի դուքսի՝ Անգլիայի նախկին թագավոր Էդվարդ 8-րդի կինը, ունեցել է ոչ միայն բացառիկ ճաշակ, այլև զարդերի պատկառելի հավաքածու, որն օգնել էր հավաքել ամուսինը:
Անցած դարի 40-50-ականներին դուքսն իր սիրելիին նվիրում էր զարդեր, որոնք ավելի ուշ կուլտային դարձան այդ դարաշրջանի նորաձևության համար:
«Վագրային» զարդերը Cartier ոսկերչական տունը սկսել էր ստեղծել 1928-ին: Ուոլիսին ընդհանուր առմամբ պատկանում էր 7 զարդ Cartier-ի «վագրային» հավաքածուից:
Այսօր Բրայթմանը վաճառում է զարդերը, որոնց արժեքը տատանվում է 1,8-2,5 մլն դոլարի սահմաններում:
