Չինաստանի հարավում Բեյհայի ծովափի մոտ ձկնորսների մի խումբ իրենց ցանցերում հայտնաբերել է ամենաարտասովոր որսը, որ երբևէ ունեցել է: Ձկան փոխարեն տղամարդիկ հանել են Porschе Cayenne ավտոմեքենա՝ հաղորդում է The Huffington Post-ը:
Արտասովոր գտածոն՝ ավտոմեքենան, հանել են ափ: Փորձագետները նշել են, որ այն մնացել է Հարավ-չինական ծովում երկու տարի: Դատելով ամեն ինչից՝ այն ջրի մեջ նետել են մաքսանենգները, ովքեր հաճախ օգտագործում են այդ ճանապարհը ապօրինի ներմուծումների համար:
Ավտոմեքենան ծածկված է եղել խեցիների և ջրիմուռների հաստ շերտով: Ձկները որոշել են այն երկաթի թափոն դարձնել: Ընդունման կետում նրանց վճարել են գրեթե 650 դոլար: Հարկ է նշել, որ Porschе-ի գինը սկսվում է 50հզ դոլարից:
