Գրողների միության նախագահ Լևոն Անանյանը լրագրողների հետ հանդիպման ժամանակ նշեց, որ արդեն 8 տարի է՝ Հայաստանում անցկացվում է մանկապատանեկան գրականության շաբաթ:
Բացումը տեղի կունենա Արտաշատում, որին կհաջորդի հրատարակիչների ասոցացիայի կողմից գրքի ցուցահանդես-վաճառքը:
Կանցկացվեն հանդիպումներ դպրոցի աշակերտների և մանկագիրների միջև: Անանյանը գոհունակությամբ նշեց, որ վերջին տարիներին մանկագիրներն ավելի շատ են, ու նաև շատ են վաճառվում մանկական հանդեսներ:
Միայն պետք է դրանք հարկային դաշտից հանել, որ ավելի մատչելի լինեն:
