Հայտնիները շատ պահանջկոտ են իրենց երեխաների դայակների նկատմամբ, գրում է Elle ամսագիրը:
Բեյոնսեի և Ջեյ Զիի դստեր` Բլյու Այվիին ծնվելու օրից ի վեր 6 դայակներ են խնամում: Նշվում է, որ նրանցից մեկը միայն նրա համար է, որպեսզի օրվա ընթացքում երեխայի տակդիրները փոխի:
Մաքս և Էմմի Լոպես Էնթոնինիների մայրիկը` Ջենիֆեր Լոպեսը, ևս շատ պահանջկոտ է իր երեխաների դայակների նկատմամբ: Դայակը պետք է երեխաների հետ գտնվի օրվա 16 ժամը, շաբաթական 7 օր՝ առանց հանգստանալու: Նա պետք է բարձրագույն կրթություն ունենա, ինչպես նաև աշխատանքի վկայագիր և երեխաներին 2 լեզու սովորեցնի: Ուղևորությունների ժամանակ դայակն ունենում է նաև երկու օգնական, ինչպես նաև պատրաստ պահում է ևս չորսին, եթե հանկարծ նրանցից մեկը հիվանդանա կամ ինչ-որ բան պատահի:
Աստղերի շրջանում դայակների ամենամեծ քանակությամբ հայտնի է Ջոլի-Փիթ ընտանիքը, որն ամսական մինչև 20 հազար դոլար է ծախսում 6-12 օգնականներին պահելու համար (ուղևորությունների ժամանակ յուրաքանչյուր երեխայի համար 2 դայակ): Դայակները ազատ պետք է խոսեն երկու լեզվով, զույգի հետ մշտապես ճամփորդեն ԱՄՆ-ում և Եվրոպայում, բժշկական և մանկավարժական կրթություն ունենան:
Սուրի Քրուզի ծննդյան օրվանից ի վեր Թոմ Քրուզին մտահոգում էր նրա հոգևոր կրթությունը: Ուստի աղջնակի երկու դայակներն էլ պետք է սայենթոլոգներ լինեն: Սայենթոլոգների եկեղեցու ավանդույթներից մեկն է` ամեն կերպ կատարել երեխայի քմահաճույքները և ոչ մի հարցում նրան «ոչ» չասել: Սակայն Թոմ Քրուզի և Քեթի Հոլմսի ամուսնալուծությունից հետո Սուրիի մայրիկը հրաժարվեց սայենթոլոգ դայակներից:
Արքայազն Ջորջի մասին ծնվելուց ի վեր նրա ընտանիքն է հոգ տարել: Բացառություն է դարձել միայն նրանց` Ավստրալիա և Նոր Զելանդիա մեկնելը: Այս ժամանակ դքսուհի Քեյթը և արքայազն Ուիլյամը երեխայի համար որպես դայակ վարձեցին իսպանուհի Մարիա Թերեզա Տուրիոնին:
Իսպանիայի թագավոր Ֆիլիպեն և նրա կինը` Լետիսիան, երեխաների համար դայակ ընտրելիս կարևորություն են տալիս կրթությանը: Լեոնորի և Սոդիի դայակները, բացի դասական կաստիլերենից, երեխաներին պետք է սովորեցնեն տեղի գլխավոր բարբառները` կատալոներեն, գալիերեն և բասկերեն, ինչպես նաև անգլերեն և չինարեն:
