«Մենք՝ կառավարությունը, իմ գլխավորությամբ, մեր որդեգրած քաղաքականությունն է աշխատել թափանցիկ: Յուրաքանչյուր քաղաքացի իրավունք ունի ծանոթանալու կառավարության կատարած յուրաքանչյուր քայլի: Մեր ցանկությունն է աշխատել թափանցիկ: Մենք պատրաստ ենք մեր սխալների համար ներողություն խնդրել: Չի սխալվում նա, ով ոչինչ չի անում: Մենք երբեք չենք ամաչելու մեր սխալների համար, այլ ամեն ինչ անելու ենք շտկելու այդ սխալները»,-այսօր Ինֆորմացիայի ազատության միջազգային օրվա առթիվ Ինֆորմացիայի ազատության կենտրոնի կազմակերպած ամենամյա միջոցառման ժամանակ ասաց վարչապետ Հովիկ Աբրահամյանը:
Հիշեցնենք, որ ամեն տարի Ինֆորմացիայի ազատության կենտրոնը կազմակերպում է «Ոսկե բանալի և ժանգոտ կողպեք» մրցանակաբաշխությունը: Ոսկե բանալին տրվում է այն գերատեսչություններին եւ կազմակերպություններին, ովքեր տարվա ընթացքում աշխատել են հնարավորինս բաց և թափանցիկ:
Այս տարի ոսկե բանալու արժանացան Արմավիրի մարզպետարանը մարզի կայքի համար, ոստիկանության կայքը: Տեղեկատվության ազատության իրավունքը լավագույնս օգտագործելու համար մրցանակ ստացավ Yerkir.am կայքը: Ոսկե բանալի ստացավ նաև փաստաբան Կարեն Մեջլումյանը: