ԽՍՀՄ նախկին նախագահ Միխաիլ Գորբաչովը կարծում է, որ Ռուսաստանի և ԱՄՆ-ի միջև առայժմ սառը պատերազմ չկա, միայն դրա նշաններն են: Միաժամանակ, նա նշել է, որ Ռուսաստանի իշխանությունները ճիշտ քաղաքականություն են վարում:
«Սառը պատերազմ առայժմ չկա, բայց դրա նշանները կան: Սառը պատերազմ պետք չէ: Այն տասնյակ տարիներ է տևում: Ես կողմ եմ այս աննորմալ իրավիճակից ելքի որոնմանը»,- «Ռուսկայա սլուժբա նովոստեյ»-ի եթերում ասել է Գորբաչովը:
Նա վստահ է, որ ՌԴ իշխանությունները ներկայիս պայմաններում ճիշտ դիրքորոշում են զբաղեցրել: «Պետք է գլուխը չկորցնել, չկորցնել ողջամտությունը: Մենք ուժեղ ազգ ենք, մենք հենարան ունենք, ասելիք ունենք»,- ասել է Գորբաչովը: