Անգլիացի բժիշկ Ջեյմս Բլանդելը (1790-1878) 1818-ի սեպտեմբերի 25-ին կատարել է աշխարհում առաջին վիրահատությունը, որի ժամանակ արյունը փոխներարկվել է մարդուց մարդուն:
Բրիտանացի մանկաբարձը իրականացրել է մարդկային արյան առաջին հաջողված փոխներարկումը հետծննդաբերության շրջանում արնահոսությամբ տառապող հիվանդին: Որպես դոնոր օգտագործելով նրա ամուսնուն՝ Բլանդելը նրա ձեռքից վերցրել է մոտ 4 ունցիա արյուն և ներարկիչի օգնությամբ փոխներարկել կնոջը:
Հետազոտության ընթացքում Բլանդելը նկատել է մի շարք թերություններ, որոնք ուղեկցում են այդ ընթացակարգին, օրինակ՝ արյան անհամատեղելիություն, որի պատճառով հաճախ գրանցվել են մահվան դեպքեր: Նա առաջարկել է անցկացնել մի շարք մոնիթորինգներ, սակայն նաև նշել է, որ ոչ մի մոնիթորինգ ի վիճակի չէ կանխել հեմոտրանսֆուզիայի մահացու բարդությունները:
Այսօր բժշկության մեջ կիրառվում են արյան փեխներարկման այլընտրանքային արդյունավետ մեթոդներ:
