Արդարադատության ակադեմիայի ռեկտոր Ռուբիկ Մելիքյանը «Առաջին լրատվական»-ի հետ զրույցում ասաց, որ երեկ իր տեղակալ Դավիթ Խաչատրյանը դիմել է Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ընտրությունն իրականացնող մրցութային հանձնաժողով: Այսինքն՝ նա ցանկանում է մասնակցել մրցույթին ու դառնալ ՄԻԵԴ-ում ՀՀ ներկայացուցիչ:
Հիշեցնենք, որ այսօր մրցութային հանձնաժողով դիմումներ ներկայացնելու վերջին օրն է: Բացի Դավիթ Խաչատրյանից դիմում-փաստաթղթեր է ներկայացնել նաև միջազգային իրավունքի մասնագետ, իրավաբան, Արա Ղազարյանը, ինչպես նաև փաստաբան Վահե Գրիգորյանը: Նա «Առաջին լրատվական»-ի հետ զրույցում ասաց, որ փաստաթղթերը ներկայացրել է այսօր: Իսկ թե ովքեր են իր մյուս մրցակիցները Գրիգորյանը ևս չգիտեր: Հետաքրքրվել էր, սակայն չեն ասել: Փաստաբանի խոսքով, սակայն, միայն հայտ ներկայացնողի ցանկությունը բավարար չէ որպեսզի այդ տեղեկությունը գաղտնի պահվի: Այդ տեղեկությունը պետք է բաց լինի եւ հրապարակային:
Բացի 3 հստակ առաջադրումներից շրջանառվող տեղեկությունների համաձայն՝ իրենց թեկնածությունն առաջադրել են նաև նախկին օբմուդսմեն Արմեն Հարությունյանը, ինչպես նաև ԵՊՀ դասախոս Վիգեն Քոչարյանը, որն արդեն ներկայացրել է փաստաթղթեր:
Ի դեպ՝ շրջանառվում է, որ պետք է առաջադրվի նաև Բարձրաստիճան պաշտոնյաների էթիկայի հանձնաժողովի նախագահ Սիրանույշ Սահակյանը:
